اسلام آباد: رواں مالی سال پاکستان آئی ایم ایف کو ایک ارب تیس کروڑ ڈالر قرض کی ادائیگی کی مد میں ادا کرے گا۔
وزارت خزانہ کے مطابق رواں مالی سال حکومت نے بجٹ کا بیالیس اعشاریہ ایک فیصد حصہ قرضوں کی ادائیگی کیلئے مختص کیا ہے جبکہ رواں مالی سال پاکستان کوایک ارب تیس کروڑ ڈالر آئی ایم ایف کو قرض کی مد میں ادا کرنا ہیں ۔
دوسری جانب حکومتی قرضوں کا حجم آئی ایم ایف کے مقرر کردہ ہدف سے تجاوز کر گیا ہے، تیس جون کو ختم ہونے والی سہماہی میں اسٹیٹ بینک سے قرضوں کا حجم تیئس سو اٹھائیس ارب روپے تھا، جو مقررہ ہدف سے اٹھاسی ارب روپے زائد ہے۔
