کرائسٹ چرچ : پاکستان کرکٹ ٹیم کے کپتان مصباح الحق نے ایک بار پھر قوم کوآس دلانے کی کوشش کی،کہتے ہیں کہ آئندہ میچز میں ٹیم کم بیک کرے گی۔ان خیالات کا اظہار انہوں نے پریس کانفرنس سے خطاب کرتے ہوئے کیا ۔
نہ کوئی امید نہ کوئی سہارا، کھیلنا ہے تو پرفارم کرنا ہوگا. ویسٹ انڈیز سے شرمناک شکست کے بعد کپتان مصباح الحق کہتے ہیں کہ ٹیم کسی ایک شعبے میں نہیں ہر شعبے میں ناکام ہوئی ۔
مصباح الحق نے کہا کہ کوچ کچھ بھی سکھا دے گراؤنڈ میں پرفارم کرنا کھلاڑیوں کا کام ہے ۔ کپتان مصباح الحق اب بھی پر امید ہیں،کہتے ہیں اگلے میچز کے لئے بیسٹ ٹیم بنائیں گے۔
کپتان کچھ بھی کہیں قوم جہاں کھلاڑیوں سے پرفارمنس چاہتی ہے وہیں قوم کی امیدیں اب ٹیم کے کھلاڑیوں سے اٹھتی ہوئی نظر آرہی ہیں۔
