خیبر پختونخوا : پنجاب اور خیبر پختونخوا کے متعدد علاقوں میں دھند کا راج ہے، حدنظر صفر ہونے پر موٹر وے کے کئی سیکشنز ٹریفک کیلئے بند کردیئے گئے ہیں، موٹر وے حکام نے شہریوں کو غیرضروری سفر سے گریز کی ہدایت کی ہے۔
موٹر وے پولیس حکام کے مطابق سردی کی شدت بڑھنے سے دھند میں اضافہ ہوا ہے، جس کے باعث پنڈی بھٹیاں سے فیصل آباد اور راوی ٹول پلازہ سے کالاشاہ کاکو تک حدِ نگاہ صفر ہونے پر پنڈی بھٹیاں سے فیصل آباد تک موٹروے ہر قسم کی ٹریفک کیلئے بند کردی گئی ہے۔
دوسری جانب برہان سے پشاور، اسلام آباد تا چکری انٹر چینج، بھیرہ سے شیخورپورہ تک بھی شدید دھند چھائی ہوئی ہے، حدِ نگاہ کم ہونے پر موٹر وے پولیس نے غیر ضروری سفر نہ کرنے اور ناگزیر صورتحال میں فوگ لائٹس استعمال کرنے کی ہدایت کی ہے۔
