نیوزی لینڈ نے ویسٹ انڈیز کو پہلے ٹی ٹوئنٹی میں اکیاسی رنز سے شکست دے کر دومیچوں کی سیریز میں ایک صفر کی برتری حاصل کرلی۔ آکلینڈ میں کھیلے جانے والے میچ کا ٹاس نیوزی لینڈ نے جیت کر پہلے بیٹنگ کا فیصلہ کیا۔
کیوی بیٹسمینوں نے کھیل کا عمدہ آغاز کیا جس کے بعد میککلم نے دھواں دھار بیٹنگ کرتے ہوئے اسکور مقررہ اوورز میں پانچ وکٹوں پر ایک سو نواسی رنز تک پہنچادیا۔ میکلم نے ساٹھ اور لیوک رانچھی نے اڑتالیس رنز کی ناقابل شکست اننگز کھیلی۔ جواب میں ویسٹ انڈیز کی ٹیم مقررہ اوورز میں آٹھ وکٹوں پر ایک سو آٹھ رنز ہی بناسکی۔
