لاہور : پی آئی اے نے جیٹ فیول کی قیمتوں میں کمی کے باوجود عمرہ کرایوں میں سات ہزار روپے کا اضافہ کردیا۔ کراچی لاہور اسلام آباد اور کوئٹہ میں سات ہزار روپے ، پشاور ، ملتان کے عمرہ زائرین سے بھی سات سے آٹھ ہزارروپے اضافی کرایہ وصول کیا جائے گا ۔
ترجمان پی آئی اے کے مطابق عمرہ سیزن میں اضافی پروازیں چلائی جائیں گی کیوں کہ عمرہ پروازیں واپسی میں خالی آتی ہیں جس کی وجہ سے کرایوں میں سات ہزار روپے کا اضافہ کیا گیا ہے جس کا نافذ العمل تئیس دسمبر سے ہوگا۔
عمرہ زائرین نے کرایوں میں اضافے پر اپنے شدید رد عمل کا اظہار کیا۔
