اسلام آباد : پی ٹی آئی کے سربراہ عمران خان اوران کی ٹیم نے تواستعفے دے دیئےتھے۔ اب تحریک انصاف والے قومی اسمبلی کیسے آئیں گے؟
ان خیالات کا اظہار جمیعت علماء اسلام کے سربراہ مولانافضل الرحمان نے اسلام آباد میں صحافیوں سے گفتگو کرتے ہوئے کیا۔ انہوں نے کہا کہ پی ٹی آئی والے اسمبلی میں خود کواجنبی محسوس کریں گے۔
ان کا کہنا تھا کہ کپتان اوران کی ٹیم نے تو اسمبلیوں سے استعفے دے دیئے تھے۔ اب واپسی کیسے ہوگی ؟ مولانا فضل الرحمان نے یہ بھی کہا کہ کپتان اسمبلی آئیں گےتواجنبی اجنبی سے لگیں گے.
- Advertisement -
اس سے قبل مولانا فضل الرحمان نےجوڈیشل کمیشن بننےپرکہا تھا کہ اسمبلی سےجانےوالوں نے گائے کی دم پکڑلی۔ کہہ دیں گےخود نہیں آئےگائےلےآئی۔
کل سے اسمبلی میں عمران خان بھی ہوں گے اورمولانافضل الرحمان بھی اس موقع پرگرما گرم بحث میں طنزکےتیربھی چلیں گے۔
