پیرس:عالمی نمبر ایک سربیا کے نوواک جوکووچ اور سوئٹزرلینڈ کے راجر فیڈرر کی پیرس ماسٹرز ٹینس ٹورنامنٹ میں پیش قدمی جاری ہے۔برطانیہ کے اینڈی مرے بھی کوارٖٹرفائنل میں پہنچ گئے ہیں۔
پیرس میں جاری ٹورنامنٹ کے تیسرے راؤنڈ کے میچ میں عالمی نمبر دو سوئٹزرلینڈ کے راجر فیڈرر نے فرانسیسی کوالیفائر لوکاس پوئل کو اسٹریٹ سیٹس میں شکست دیتے ہوئے کوارٹرفائنل تک رسائی حاصل کی۔
سوئس کھلاڑی کی فتح کا اسکور چھ چار اور چھ چار رہا۔ ایک اور میچ میں عالمی نمبر ایک سربیا کے نوواک جوکووچ نے فرانس کے گیل مونفلس کو چھ تین اور سات چھ سے قابو کرتے ہوئے آخری آٹھ کھلاڑیوں میں جگہ بنائی۔
برطانیہ کے اینڈی مرے نے بلغاریہ کے گریگور دمترو کو باآسانی مات دیتے ہوئے ورلڈ ٹور فائنلز کے لئے کوالیفائی کرلیا۔مرے نے حریف کھلاڑی کو چھ تین اور چھ تین سے آؤٹ کلاس کردیا۔
