بیجنگ :ورلڈ نمبر ون ڈے سربیا کے نوواک جوکووچ ،اسپین کے رافیل نڈال اور برطانیہ کے اینڈی مرے نے چائنا اوپن ٹینس کے دوسرے راؤنڈ میں جگہ بنا لی، بیجنگ میں جاری ایونٹ میں عالمی نمبر دو اسپین کے رافیل نڈال نے تین ماہ بعد فاتحانہ کم بیک کیا۔
نڈال کلائی کی انجری کے سبب تین ماہ سے آوٹ آف ایکشن تھے،اسپینش اسٹار نے فرانس کے رچرڈ گاسکوے کے خلاف شاندار کھیل کا مظاہرہ کرتے ہوئے مقابلہ چھ چار اور چھ صفر کے اسکور سے اپنے نام کیا۔
دوسرے میچ میں عالمی سربیا کے نواک جوکوچ نے اسپین کے گلوریمو گارسیا کے خلاف یک طرفہ مقابلے کے بعد کامیابی حاصل کی۔ سرب کھلاڑی کی فتح کا اسکور چھ دو اور چھ ایک رہا۔
برطانیہ کے اینڈی مرے نے پولینڈ کے جیرزی جانووچ کو ایک سیٹ کے خسارے میں جانے کے باوجود زیر کرلیا، مرے کو پہلے سیٹ میں سات چھ سے ناکامی کا سامنا کرنا پڑا۔
جس کے بعد انگلش کھلاڑی نے کم بیک کیا اور یکے بعد دیگر دو سیٹ چھ چار اور چھ دو سے جیت کر میچ اپنے نام کرلیا۔
