کراچی: سرجانی ٹاون میں مبینہ پولیس مقابلے میں کا لعدم ٹی ٹی پی کے دو دہشت گرد ہلا ک ہوگئے ہیں جبکہ اورنگی ٹاون سے ٹارگٹ کلر گرفتار، ایک اور کار روائی میں مو ٹر سائیکل لفٹرکو گرفتار کر لیا گیا۔
کراچی کے علاقے سرجانی ٹاون میں خفیہ اطلاع پر پولیس نے چھاپہ مارا تو دہشت گردوں نے پولیس پر فائرنگ کر دی، مبینہ مقابلے میں کالعدم تنظیم ٹی ٹی پی سے تعلق رکھنے والے دو وہشت گرد ہلا ک ہوگئے، ملزمان کی شناخت عدنان اور باران کے ناموں سے ہوئی ہے ، جبکہ مقابلے کے دوران دو ملزمان زخمی حالت میں فرار ہوگئے ہیں۔
دوسری جانب اورنگی ٹاؤن میں سی آئی ڈٰی پولیس نے مبینہ مقابلے کے بعد ٹارگٹ کلرعمیرعرف نیولہ کو گرفتار کرلیا، دورانِ تفتیش ملزم نے30سے زائداسٹریٹ کرائم کی وارداتوں کاانکشاف کیا ہے۔
پولیس نے ایک اور کارروائی میں ملزم محمد نبیل کو گرفتار کر لیا گیا، پولیس کے مطابق ملزم موٹر سائیکل لفٹنگ میں مطلوب تھا۔
