سندھ: دریائے سندھ میں آنے والے سیلاب میں کئی دیہات غرق ہوگئے ہیں، کوٹری بیراج پر پانی کی سطح بلند ہورہی ہے تاہم انتظامیہ نے دعویٰ کیا ہے کہ کچے کے علاقوں کو خطرہ نہیں ہے۔
دریائے چناب سے دریائے سندھ میں داخل ہونے والے سیلاب نے سندھ دھرتی کے کئی دیہات اجاڑ دیئے، ضلع کشمور سے لے کر ضلع دادو تک کے کچے کے کئی علاقوں میں پانی داخل ہوا تو کھڑی فصلیں ہوں یا غریب کسانوں کے آشیانے سب کچھ اپنے ساتھ لے گیا۔
محکمۂ آبپاشی کے مطابق سکھر سے نکلنے والا سیلاب کوٹری بیراج کی حدود میں داخل ہوگیا ہے، جس کے باعث کوٹری بیراج پر پانی کے بہاو میں مسلسل اضافہ ہور ہا ہے۔
- Advertisement -
اسوقت اپ اسٹریم میں پانی کی سطح ایک لاکھ چوبیس ہزار پانی تک پہنچ گئی ہیں جبکہ ڈاون اسٹریم میں ننانوے ہزار کیوسک پانی کا اخراج جاری ہے۔
