کینیا: شدت پسندوں نے بس سے اتار کر شناخت کے بعد اٹھائیس مسافروں کو قتل کردیا ہے۔
غیر ملکی خبر رساں ادارے کے مطابق کینیا کے شمالی مشرقی علاقے میں صومالیہ کے بارڈر کے قریب شدت پسندوں نے مسافر بس کو روک کر شناخت کے بعد اٹھائیس مسافروں کو اتار کر فائرنگ کرکے قتل کردیا۔ پولیس کے مطابق حملہ آوروں کا تعلق صومالی عسکری گروپ سے تھا اور اس کی تصدیق کی جاسکتی ہے۔
دوسری جانب مسافر بس سے اتار کر مسافروں کو قتل کرنے کا واقعہ ایسے موقع پر پیش آیا کہ جب ایک ہفتے قبل کینیا کی سیکیورٹی فورسز کی جانب سے مومباسا شہر میں ایک مسجد میں آپریشن کیا، جس کے دوران ایک شخص کو گولی مار کر ہلاک جبکہ 350 سے زائد کو حراست میں لے لیا تھا۔
