کراچی: رواں مالی سال 2014-15ء کے پہلے پانچ مہینوں کے دوران گاڑیوں کی فروخت میں3 ہزار سے زائد یونٹس کا اضافہ ریکارڈ کیا گیا۔

پاکستان آٹو موٹو مینوفیکچررز ایسوسی ایشن(پاما) کی رپورٹ کے مطابق گذشتہ مالی سال کے مقابلہ میں رواں سال بسوں کی فروخت میں کمی ہوئی تاہم قیمتوں میں اضافہ کے باوجود ٹریکٹروں، کاروں اور ٹرکوں کی فروخت میں ہونے والے اضافہ سے مجموعی فروخت میں 3 ہزار393 یونٹس کا اضافہ ریکارڈ کیا گیا ، اعدادوشمار کے مطابق رواں مالی سال میں جولائی تا نومبر2014ء کے دوران مجموعی طور پر26 ہزار214 گاڑیاں فروخت کی گئیں جبکہ گذشتہ مالی سال کے اسی عرصہ کے دوران 22ہزار821 گاڑیاں فروخت کی گئی تھیں۔