اسلام آباد : پاکستانیوں کیلئےسستےپیٹرول کی امیدیں خطرے میں پڑگئیں۔ مشرق وسطیٰ میں جاری سیاسی بحران کے باعث عالمی منڈی میں خام تیل کی گرتی ہوئی قیمت میں ایک بار بھی اضافہ ہونےلگا۔
پاکستان میں پیٹرولیم مصنوعات کی قیمتوں میں کمی کاہنی مون دور ختم ہوتانظرآرہاہے۔ سعودی عرب اورخلیجی ممالک کےاتحاد کےیمن پر فضائی حملےکےبعدعالمی منڈی میں تیل کی قیمتوں میں پانچ فیصد اضافہ ہوچکاہے۔
صورتحال بہترنہ ہونےپرمزید اضافےکاامکان ہے۔ عالمی مارکیٹ میں برینٹ کروڈآئل کی قیمت ایک ڈالرانہترپیسے اضافےکےبعدانسٹھ ڈالرپچاس سینٹس ہوگئی۔
یو ایس کروڈ آئل ایک ڈالرپندرہ سینٹس فی بیرل کےاضافےکےبعدباون ڈالرتیس سینٹس ہوگئی۔اقتصادی ماہرین کےمطابق گزشتہ چوبیس گھنٹوں میں اضافہ یمن پرحملےکےفوری ردعمل کانتیجہ ہےاوراگریہ لڑائی طول پکڑگئی تو قیمتوں میں مزیداضافےکے قوی امکان ہیں۔
