کیف: یوکرائن کے شہر دونتسک میں انٹرسٹی بس سروس پرراکٹ حملے سے 11 یوکرائنی شہری جاں بحق جبکہ بیس سے زائد زخمی ہوگئے ذرائع کے مطابق یہ حملہ روس کے حامی باغیوں نے کیا ہے۔
مقامی پولیس کے مطابق حملہ حکومت کی جانب سے قائم کردہ فوجی چیک پوسٹ پرکیا گیا تھا لیکن نشانہ چوک جانے کے باعث راکٹ بس کو لگ گیا۔
یہ حملہ ستمبر 5 ستمبر2014 میں باغیوں سے ہونے والے جنگ بندی کےامن معاہدے کے بعد اب تک کا سب سے بڑا حملہ ہے۔
- Advertisement -
یوکرائن کے پولیس اور فوجی ذرائع نے فرانسیسی خبررساں ایجنسی کو حملے میں سات خواتین اور چار افراد کے جاں بحق ہونے کی تصدیق کی ہے۔
ضلعی انتظامیہ کے مطابق زخمیوں کی قریبی قصبے ’ولنوواکھا‘ کے اسپتال میں منتقل کیا گیا ہے۔
