روس میں نان اسٹریٹیجک نیوکلیئر ہتھیار تیار اور استعمال کرنے کی عملی مشقوں کا آغاز ہوگیا، جس کی ویڈیو بھی جاری کردی گئی ہے۔
غیر ملکی ذرائع ا بلاغ کے مطابق روسی وزارت دفاع کے بیان میں کہا گیا ہے کہ یہ مشقوں کا پہلا مرحلہ ہے جو سدرن ملٹری ڈسٹرکٹ میں کیا جارہا ہے۔
روسی حکام کے مطابق یہ اقدام روس کے خلاف مغربی حکام کی جانب سے اشتعال انگیز بیانات کے تناظر میں اپنی ملکی سلامتی اور علاقائی استحکام کی خاطر انجام دیا جارہا ہے۔
روس کے فوجی محکمہ کے اعلامیے کے مطابق روسی فیڈریشن کی مسلح افواج کے سپریم کمانڈر انچیف کے احکامات پر نان اسٹریٹیجک نیوکلیئر ہتھیار تیار اور استعمال کرنے کی یہ عملی مشقیں کی جارہی ہیں۔
ان مشقوں کی قیادت مسلح افواج کے جنرل اسٹاف کررہے ہیں جبکہ اس پہلے مرحلے میں نان اسٹریٹیجک نیوکلیئر ہتھیار تیار اور انہیں استعمال کرنے کی عملی جانچ کی جارہی ہے۔
ایئرو اسپیس فورسز ایوی ایشن کے یونٹ سے تعلق رکھنے والے فوجی فضا سے مار کرنیوالے ہتھیار کی تنصیب کی مشق میں مصروف ہیں۔
اسرائیل نے امریکی میڈیا کو بھی نہ چھوڑا
روسی میڈیا کا کہنا ہے کہ سدرن ملٹری ڈسٹرکٹ سے تعلق رکھنے والے میزائل فارمیشنز کے اہلکار جنگ میں اسکندر ٹیکٹیکل میزائل نظام کے لیے خصوصی اسلحہ حاصل کرنے، لانچ وہیکلز کو ان سے مسلح کرنے اور پھر انہیں خفیہ انداز سے ایسے مقامات تک پہنچانے کی پریکٹس کررہے ہیں جہاں سے میزائل لانچ کیے جانے ہوں۔
