پاکستان شوبز انڈسٹری کی سینئر اداکارہ صبا فیصل نے بتایا ہے کہ میری بہو نے مجھے جو دعا دی وہ مجھے ہمیشہ یاد رہے گی۔
اداکارہ صبا فیصل کا شمار پاکستان کی سینئر اور نامور اداکاراؤں میں کیا جاتا ہے لیکن صبا فیصل شروع دن سے اداکارہ نہیں تھیں بلکہ وہ ماضی کی ایک معروف نیوز اینکر کے فرائض بھی سرانجام دے چکی ہیں۔
ایک پوڈ کاسٹ میں گفتگو کرتے ہوئے انہوں نے اپنی ذاتی زندگی اور گھریلو معاملات پر کھل کر اظہار خیال کیا اور اپنے بچوں کی شادی کے حوالے سے ناظرین کو آگاہ کیا۔
انہوں نے بتایا کہ جب میری بیٹی کا رشتہ آیا تو بحیثیت اداکارہ میں بہت ڈر رہی تھی کیونکہ اس دور میں عام طور پر شوبز سے منسلک لوگوں سے ملنا ملانا پسند نہیں کیا جاتا تھا لیکن جب وہ لوگ آئے تو انہوں نے مجھے بہت عزت دی۔
صبا فیصل نے نواسے کی پیدائش پر کتنے نوکر رکھوائے؟
انہوں نے بتایا کہ جب میری بیٹی کے ہاں پہلی اولاد ہوئی تو میں نے اس کی خدمت کرنے کیلئے 7 ملازمائیں رکھی تھیں، نواسے کی پیدائش کے بعد میری بیٹی نے ایک گروپ فوٹو بھیجا اور کہا کہ اس تصویر میں 7 وہ خواتین بھی ہیں جنہیں آپ نے میرے لیے بھیجا لیکن اس میں آپ کی کمی شدت سے محسوس ہورہی ہے۔
ان کا کہنا تھا کہ پہلے لوگوں کے پاس ایک دوسرے کیلیے وقت ہوتا تھا لیکن اب وہ زمانہ نہیں وقت کا پتہ ہی نہیں چلتا کہ کب گزر جاتا ہے اپنی بہو کی تعریف کرتے ہوئے انہوں نے بتایا کہ ایک بار میری بہو نے کسی بات پر مجھ سے کہا کہ امی پریشان نہ ہو یہ آپ کا یہ کام بھی ہوجائے گا ’’اللہ آپ کے وقت میں برکت دے‘‘ مجھے اس یہ دعا بہت پسند آئی یہ الفاظ مجھے ہمیشہ یاد رہیں گے۔
ایک سوال کے جواب میں ان کا کہنا تھا کہ میں نے اپنی زندگی میں یہ سیکھا ہے کہ سب سےضروری کام خود سے محبت کرنا ہے کیونکہ جب آپ خود پر توجہ دیں گے تو بھرپور زندگی گزاریں گے۔
