site
stats
بزنس

آئی ایم ایف نے ترقیاتی کاموں میں کمی کا مشورہ دیدیا

اسلام آباد: ٹیکس وصولیوں میں کمی پر آئی ایم ایف نے حکومت کو ترقیاتی بجٹ میں بیس فیصد تک کمی کرنے کا کہہ دیا۔ آئی ایم ایف نے دو سو اٹھاون ارب روپے کمی کا مشورہ دیا ہے۔

تفصیلات کے مطابق حکومت ایک بار پھر مشکل میں پھنس گئی۔ ریونیو شارٹ فال کے باعث آئی ایم ایف نے حکومت کو پی ایس ڈی پی میں بیس فیصد تک کمی کر نے کا مشورہ دیا ہے۔

پلاننگ کمیشن کے مطابق رواں مالی سال کے پہلے چھ ماہ کے دوران سالانہ ترقیاتی پروگرام کے تحت ایک سو اننچاس ارب روپے جاری کیے گئے ہیں جوکہ مقرر ہ ہدف کا صرف اٹھائیس فیصد ہے ۔

رواں مالی سال کے پہلے چھ ماہ کے دوران ٹیکس وصولیوں میں ایک سو پچیس ارب روپے کی کمی کے بعد آئی ایم ایف نے حکومت کو مشورہ دیا ہے کہ ترقیاتی بجٹ کم از کم دو سو اٹھاون ارب روپے کمی کے بعد نو سو سترہ ارب روپے کر دیا جائے ۔

حکومت نے بجٹ میں ترقیاتی بجٹ کیلئے ایک ہزار ایک سو پچھتر ارب روپے مختص کئے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top