The news is by your side.

Advertisement

اتحاد مجلس علماء اسلام کا اجلاس، سیکولرازم کے خلاف اعلان جنگ

پشاور: مولانا سمیع الحق کی زیر صدارت دیوبند مسلک کی جماعتوں کے اتحاد مجلس علماء اسلام کے اجلاس میں فرقہ واریت کے خاتمے، مدارس کے خلاف جاری مبینہ مہم اور ملک کے اسلامی تشخص کو لاحق خطرات کے پیش نظر تحریک چلانے کے لئے تمام مذہبی جماعتوں سے رابطوں کا فیصلہ کر لیا گیا ہے۔

مولانا فضل الرحمن کی قیادت پراتفاق کرتے ہوئے سیکولرازم کے خلاف جنگ کا اعلان بھی کیا گیا۔دیوبند مسلک سے تعلق رکھنے و الی 20جماعتوں کے اجلاس کے بعد میڈیا کو بریفنگ دیتے ہوئے مولانا سمیع الحق نے کہا کہ دہشت گردی کا کسی فرقے سے کوئی تعلق نہیں۔

ملک کو سیکولر بنانے کی سازشوں کے مقابلے کے لئے مولانا فضل الرحمان کی قیادت میں سب متحد ہیں۔ اجلاس میں ملک کے اسلامی تشخص کے تحفظ اور فرقہ واریت کے خاتمے کے لئے شیعہ سنی کی تفریق کئے بغیر تمام مذہبی جماعتوں سے رابطوں کا فیصلہ کیا گیا۔

مذہبی جماعتوں کے اجلاس میں ایمپلی فائر ایکٹ اور فورتھ شیڈول کے تحت گرفتاریوں کی مذمت کی گئی۔ اجلاس میں امامیہ مسجد پشاور ، شکار پور اور لاہور میں ہونےو الے واقعات پر تشویش کا اظہار کرتے ہوئے ہر قسم کی دہشت گردی سے لاتعلقی کا اعلان کیا گیا۔

Print Friendly, PDF & Email

Comments

comments

یہ بھی پڑھیں