The news is by your side.

Advertisement

اسلامی سکوک بانڈزآئندہ ماہ جاری کئے جائینگے

اسلام آباد: حکومت نے مالیاتی اور اقتصادی شعبے کی کارکردگی بہتر بنانے کےلئے آئندہ ماہ اسلامی سکوک بانڈز جاری کرنے کا فیصلہ کیا ہے، وزارت خزانہ کے ذرائع کے مطابق تھری جی اور فور جی سپیکٹرزم کی نیلامی اور یورو بانڈز کے کامیاب اجراءکے بعد اب اسلامی سکوک بانڈز جاری کرنے کی تیاریاں شروع کر دی گئی ہیں۔

یورو بانڈز کے اجراءمیں پاکستان کو بین الاقوامی سطح پر سرمایہ کاروں کی طرف سے زبردست پذیرائی ملی تھی اور پاکستان کو توقع سے زیادہ آمدنی ہوئی ، پاکستان سات سال کے بعد بین الاقوامی بانڈ مارکیٹ میں دوبارہ واپس آیا ہے۔

اب اسلامی سکوک بانڈز کے اجراءکے عمل کو بھی کامیاب بنانے کے لئے ایک جامع حکمت عملی پر کام شروع کر دیا گیا ہے، جس کے نتیجہ میں اس کی کامیاب فروخت کو یقینی بنانے اور سرمایہ کاروں کو بھرپور طریقے سے راغب کرنے کی کوشش کی جائے گی۔

Print Friendly, PDF & Email

Comments

comments

یہ بھی پڑھیں