کراچی: بینکوں کی جانب سے کارروائی کے باعث پی ایس او کی مالی مشکلات میں مزید اضافہ ہوگیا۔ بینکوں نے پی ایس او کی تیرانوے ارب روپے کی ایل سیز بلاک کردیں۔
تفصیلات کے مطابق مالی مشکلات کے باعث پاکستان اسٹیٹ آئل (پی ایس او) ڈیفالٹ کرگیا۔پی ایس او کو بینکوں کو چھیالیس ارب روپے ادا کرنے تھے جوکہ کمپنی ادا نہیں کر سکی۔
عدم ادائیگی کے باعث انٹر نیشنل بینکوں نے پی ایس او کی تیرانوے ارب روپے کی ایل سیز بلاک کر دیں۔ ایل سیز بلاک ہونے کے باعث خام تیل کی سپلائی متاثر ہونے کا خدشہ ہے۔
انٹر نیشنل بینکوں نے واضح کردیا ہے کہ اگر ڈیفالٹ کی صورت حال جاری رہی تو پی ایس او سے اپنے تعلقات کاازسر نو جائزہ لے سکتے ہیں۔
کمپنی ذرائع کے مطابق پی ایس او حکومت کے خصوصی احکامات کے تحت بجلی گھروں کو ایندھن کی فراہمی کررہا ہے اور زیادہ تر واجبات پاور سیکٹر کے ہی ہیں۔
