کراچی: انٹر بینک مارکیٹ میں روپے کے مقابلے میں ڈالر کی قدر میں اضافہ ریکارڈ کیا جارہا ہے، انٹر بینک مارکیٹ میں ڈالر کی قدر پندرہ پیسے اضافے کے بعد ایک سو دو روپے اٹھاسی پیسے ہوگئی۔
اوپن مارکیٹ میں ڈالر کی قیمت خرید ایک سو دو روپے ستر پیسے جبکہ قیمت فروخت ایک سو دو روپے پچانوےپیسے رہی۔
برطانوی پاؤنڈ کی قیمت فروخت ایک سو سرسٹھ روپے پچیس پیسے، کنیڈین ڈالر تیرانوے روپے ساٹھ پیسے ، یورو ایک سو باتیس روپے پچاس پیسے سعودی ریال ستائیس روپےپچاس پیسے ، یو اے ای درہم اٹھائیس روپے دس پیسے جبکہ چینی یوان اور جاپانی ین بالترتیب سولہ روپےستر پیسے اور ایک روپے میں فروخت ہورہا ہے۔