site
stats
بزنس

ایس ای سی پی نے مارچ میں چھ سو چار کمپنیاں رجسٹرکیں

اسلام آباد: سکیورٹیز اینڈ ایکسچینج کمیشن ( ایس ای سی پی ) نے مارچ کے مہینے کے دوران چھ سوچار کمپنیاں رجسٹر کیں۔

ترجمان کے مطابق رواں مالی سال میں اب تک رجسٹرڈ کمپنیوں کی تعداد چار ہزار تین سو پینتیس ہو چکی ہے، مارچ میں رجسٹر کی جانے والی کمپنیوں میں اکیانوے فیصد کمپنیاں پرائیویٹ لمیٹڈ، چھ فیصد سنگل ممبر جبکہ باقی تین فیصد کمپنیاں بطور پبلک ان لسٹڈ، نان پرافٹ ایسوسی ایشن اور بین الاقوامی کمپنیاں شامل ہیں۔

اس ماہ سب سے زیادہ کمپنیاں تجارتی شعبے میں رجسٹر ہوئیں ، جس کی تعدادپچھتّر ہے جبکہ خدمات میں چوہتر،انفارمیشن ٹیکنالوجی میں چونسٹھ، تعمیراتی شعبے میں پچاس، سیاحت میں چھتیس، پاور جنریشن میں چوبیس، ایندھن اور توانائی میں چھبیس،فوڈ اینڈ بیوریجز میں چوبیس، کیمیکل میں بیس، کارپوریٹ ایگریکلچر فارمنگ میں انیس،ہیلتھ کیئر اور انجینئرنگ میں مساوی طور پر سترہ ، پاور جنریشن اور رئیل اسٹیٹ ڈیویلپمنٹ میں سولہ، کمیونیکیشن میں پندرہ،تعلیم اور ٹیکسٹائل میں مساوی طور پر تیرہ ، نشریات کے شعبے میں بارہ، پیپر ایند بورڈ میں گیارہ، کیبل اور الیکٹرک آلات میں دس جبکہ مزیدچھہترکمپنیاں مختلف شعبوں میں رجسٹر ہوئیں۔

اسلام آباد اور لاہور میں پانچ بین الاقوامی کمپنیوں کو بھی رجسٹر کیا گیا،اس ماہ ا ڑ تیس کمپنیوں میں غیر ملکی سرمایہ کاری ہوئی ، ان سرمایہ کاروں کا تعلق چین، امریکہ ، برطاینہ،سعودی ارب، ایران، کویت،تر کی، شام، جنوبی افریقہ، جرمنی، افغانستان، سنگاپور اورڈنمارک سے ہے جبکہ غیر ملکی سرمایہ کاری آٹو اینڈ الائیڈ، کیمیکل، تعمیرات، خدمات،انجئینرنگ، ہیلتھ کیئر، تجارت، انفارمیشن ٹیکنالوجی، پاور جنریشن سمیت دیگر کئی شعبوں میں کی گئی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top