اسلام آباد: وزارتِ پانی و بجلی نے بجلی کی فی یونٹ قیمت میں ڈھائی روپے کی کمی کی درخواست دے دی ہے۔
وزارتِ پانی و بجلی زرائع کے مطابق بجلی کی قیمت میں کمی خام تیل اور فرنس آئل کی قیمت میں کمی کے باعث کی جائے گی، نپیرا کی جانب سے درخواست کی سماعت کے بعد کمی کا فیصلہ کیا جائے گا، انڈسٹری تجزیہ کاروں کے مطابق یکم جولائی سے یکم دسمبر کے درمیان فرنس آئل کی قیمت پچیس فیصد سے زائد کمی کے بعد چھپن ہزار پانچ سو اکسٹھ روپے فی ٹن ہوگئی ہے ۔
ماہرین کے مطابق ملک میں ماہانہ ساٹھ ارب روپے مالیت کی بجلی فرنس آئل سے بنتی ہے اور خام تیل کی قیمتیں موجودہ سطح پر رہنے سے بجلی کی پیداواری لاگت میں سالانہ سو ارب روپے کی بچت ہوسکتی ہے۔
