The news is by your side.

Advertisement

بلدیاتی انتخابات :صدرِپاکستان نے دو ترمیمی آرڈیننس جاری کردیئے

اسلام آباد: صدر مملکت ممنون حسین نے ملک میں بلدیاتی انتخابات کے حوالے سے دو ترمیمی آرڈیننس جاری کردیے۔ترمیمی آرڈیننس دو ہزار چودہ ملک میں بلدیاتی انتخابات کے انعقاد کے حوالے سے اہم پیش رفت ہے۔

صدارتی آرڈیننس کے مطابق الیکشن کمیشن کو بلدیاتی حلقہ بندیاں کرنے کے اختیارات حاصل ہوگئے ہیں ۔الیکشن کمیشن کو ہدایت کی گئی ہے کہ وہ بلدیاتی حلقہ بندیوں کا کام جلد مکمل کرے۔

اس کے علاو ہ حلقہ بندیوں سے متعلق تنازعات کے حل کا اختیار بھی الیکشن کمیشن کو مل گیا ہے۔ ترمیمی آرڈیننس دو ہزار چودہ کے مطابق بلدیاتی انتخابات کے لیے ووٹر لسٹوں کی تیاری کا کام بھی الیکشن کمیشن کی ذمہ داری ہوگی۔

دوسری جانب سپریم کورٹ نے حکومت کو ہدایت کی ہے کہ انتیس اکتوبر تک مستقل چیف الیکشن کمشنر کا تقررکردیا جائے بصورت دیگر سپریم کورٹ اپنے جج کی خدمات واپس لے لے گی۔

Print Friendly, PDF & Email

Comments

comments

یہ بھی پڑھیں