site
stats
پاکستان

جعلی چیسس نمبر بنانیوالا ملزم ساتھیوں سمیت گرفتار

کراچی : اے سی ایل سی پولیس نے چوری اور چھینی گئی گاڑیوں اور موٹر سائیکلوں کی ہاتھوں کے ذریعے جعلی چیسس نمبر بنانے کے ماہر ملزم کو ساتھیوں سمیت گرفتار کرلیا۔

شہر سے چوری شدہ گاڑیوں اور موٹر سائیکلوں کو چھیننے کے بعد جعلی چیسز نمبر اور کاعذات بنا کر فروخت کرنے والے بین الصوبائی گروہ کو اے سی ایل سی پولیس نے بے نقاب کردیا ۔

ایس ایس پی اے سی ایل سی عرفان بہادر کے مطابق ملزم ہتھوڑے اور کیل کے ذریعے بڑی مہارت کے ساتھ کم وقت میں جعلی چیسز نمبر بنا لیتا تھا ۔ ایس ایس پی عرفان بہادر نے بتایا کہ گرفتار ملزمان جعلی چیسز نمبر والی موٹرسائیکلوں اورگاڑیوں کو اندرون سندھ اور بلوچستان میں فروخت کیا کرتے تھے ۔

ایس ایچ او اے سی ایل سی اشتیاق غوری کا کہنا ہے کہ اے سی ایل کے محکمے میں جدید ٹینالوجی آجانے سے شہر میں گاڑیوں اور موٹر سائیکلوں کے چوری اور چھینے کے واقعات میں کمی آئی۔ .

محمکہ اے سی ایل سی کی کارکردگی میں بہتری آنے سے گاڑیاں اور موٹر سائیکلیں چوری اور چھینے کی وارداتوں میں کمی تو آئی ہے لیکن شہریوں کا کہنا ہے کہ اصل کارکردگی تو وہ ہوگی جب ان کی چوری یا پھر چھینی گئی گاڑیاں اورموٹر سائیکلیں انہیں واپس مل جائیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top