site
stats
بزنس

زرعی قرضوں کے اجراء کا 90.8 فیصد ہدف حاصل

اسلام آباد: مائیکرو فنانس بینکوں نے رواں مالی سال 2013-14ء کے لئے زرعی قرضوں کے اجراء کا 90.8 فیصد ہدف حاصل کر لیا ہے اور اب تک زرعی شعبہ کو 19 ارب 60 کروڑ روپے کے زرعی قرضہ جات جاری کئے گئے ہیں۔

اسٹیٹ بینک کی رپورٹ کے مطابق جاری مالی سال کے دوران مائیکرو فنانس بینکوں کو 21 ارب 60 کروڑ روپے کے زرعی قرضے جاری کرنے کا ہدف دیا گیا تھا اور اب تک بینکوں نے اپنے ہدف کے 90 فیصد سے زائد قرضے جاری کئے ہیں۔

رپورٹ کے مطابق تعمیر مائیکرو فنانس بینک ، یو مائیکر فنانس بینک، پاک اومان مائیکرو فنانس بینک اور خوشحالی بینک پہلے ہی اپنے اہداف حاصل کر چکے ہیں جبکہ این آر ایس پی ، وسیلہ اور فرسٹ مائیکرو فنانس بینکوں نے بالترتیب اپنے اہداف کے 80.5 فیصد، 71.6 فیصد اور 69.3 فیصد کے مساوی زرعی قرضے جاری کئے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top