سرمایہ کاری بورڈ کے چیئرمین ڈاکٹر مفتاح اسماعیل سے جاپانی کمپنی اوسامو ہیسا کی جیٹرو کے کنٹری ڈائریکٹر کیریو شیراشی نے اسلام آباد میں ملاقات کی اور تجارت اورسرمایہ کاری کے امور پر تبادلہ خیال کیا،انہوں نے چیئرمین سرمایہ کاری بورڈکو اپنے ادارے کے حوالے سے بتایا کہ جاپان کے بیرونی تجارت کے ادارے کے حالیہ سروے نتائج کے مطابق ان کی کمپنی پاکستان میں کام کرنے والی دوسری بڑی کمپنی بن چکی ہے.
ڈاکٹر مفتاح اسماعیل نے اس موقع پر کہا کہ پاکستان میں غیرملکی سرمایہ کاری کی حوصلہ افزائی کیلئے آئندہ پانچ سال کیلئے پچاس فیصد سے زائد کی غیرملکی سرمایہ کاری والی کمپنیوں کیلئے پرکشش مراعات کا اعلان کیا ہے، اس کے علاوہ انہوں نے کہا کہ کوہاٹ، گلگت بلتستان اور بلوچستان میں سرمایہ کاری کرنے والی کمپنیوں کیلئے ٹیکس مراعات جبکہ فاٹا میں سرمایہ کاری پر ٹیکس کی مکمل چھوٹ دی جائے گی، انہوں نے جاپانی کمپنیوں اور سرمایہ کاروں کو دعوت دی کہ وہ پاکستان میں سرمایہ کاری سے پرکشش مراعات سے استفادہ کریں۔