اسلام آباد: سنٹرل پاور پرچیزنگ ایجنسی نے نپیرا کو بجلی کی قیمت میں دوروپے بانوے پیسے کمی کی درخواست دے دی ہے، نپیرا کل سماعت کے بعد فیصلہ دے گی۔
وزیرِاعظم کی جانب سے بجلی کی قیمت میں دو روپے بانوئے پیسے کمی کے اعلان کے بعد اب سینٹرل پاور پرچیزنگ ایجنسی نے نپیرا کو باقاعدہ کمی کی درخواست دے دی ہے، نپیرا کمی کے بارے میں فیصلہ کیلئے کل سماعت کر ے گی۔
سی سی پی اے کی درخواست کے مطابق بجلی کی قیمت میں کمی سے صارفین کو سترہ ارب روپے کا ریلیف ملے گا، کمی فرنس آئل کی قیمت میں خاطر خواہ کمی پر کی جارہی ہے ۔
- Advertisement -
کمی کا اطلاق کے الیکٹرک کے علاوہ تمام تقسیم کار کمپنیوں پر ہوگا، سی سی پی اے کے مطابق نومبر کے مہینے میں بجلی کی پیداواری لاگت چار روپے اننچاس پیسے فی یونٹ رہی جو کہ پانچ سال کی کم ترین لاگت ہے۔
