سونا مزید سستا ہونے کا انتظار کرنے والوں کیلئے بُری خبر ہے، ملک بھر میں فی تولہ سونے کی قیمت چھے سو روپے بڑھکر پچاس ہزار روپے ہوگئی۔
سونے کی قیمتیں کئی روز سے مسلسل بڑھ رہی ہیں تاہم جمعرات کو فی تولہ سونے کی قیمت نے چھے سو روپے اضافے کی لمبی چھلانگ لگائی، جس سے ملک بھر میں فی تولہ سونے کی قیمت پچاس ہزار روپے ہوگئی۔
اسی طرح دس گرام سونےکےبھاؤ 515 روپے بڑھکر 42857 روپے ہوگئے، گذشتہ دو ہفتوں کے دوران فی تولہ سونے کی قیمت 2200 روپے بڑھ چکی ہے جس کی وجہ عالمی منڈی میں سونے کی قیمتیں بڑھنا بتائی جاتی ہے، جہاں فی اُونس سونے کے ریٹ 15 ڈالر بڑھکر 1221 ڈالر ہوگئے۔
