تریپولی: اسپین کی ایمبیسی کو باہرایک بم دھماکہ ہوا جس کو لیبیا میں غیر ملکی مشنزکو نشانہ بنانے کا تسلسل ہے دھماکے میں کسی جانی نقصان کی اطلاع نہیں ملی۔
اسپین کے اخبار کے مطابق کسی بھی قسم کا جانی نقصان نہیں ہوا کیونکہ جب سے لیبیا میں غیرملکیوں کو نشانہ بنانے کا سلسلہ شروع ہوا ہے زیادہ تر ممالک نے اپنا سفارتی عملہ واپس بلالیا ہے جن میں اسپین بھی شامل ہے۔
سوشل میڈیا پراپ لوڈ کی جانے والی تصویر کے مطابق ایمبیسی کی عمارت کو معمولی نقصان پہنچا ہے۔ کسی بھی تنظیم نے اس دھماکے کی ذمہ داری قبول نہیں کی ہے اور نہ ہی لیبیائی حکام کی جانب سے اس پر کوئی تبصرہ کیا گیا ہے۔
اس سے قبل دولتِ اسلامیہ سے منسلک گروہ اس نوعیت کے حملوں کی ذمہ داری قبول کرتے رہیں ہیں۔
گزشتہ اتوار کو بھی الشباب نامی گروہ نے ایتھوپیا سے تعلق رکھنے والے 30 افراد کو لیبیا کے ساحل پرقتل کردیا تھا۔
