اسلام آباد : پرائم منسٹر یوتھ بزنس لون کے تحت چھوٹے کاروبار کرنے والے کو سہولت دینے کیلئے نیشنل بینک اور فوٹو اسٹیٹ مشین بنانے والے ادارے گیسٹیٹنرکے درمیان مفاہمتی یاداشت پر دستخط ہوگئے ۔
کراچی میں مفاہمتی یاداشت پر دستخط کے موقع پر سینئر ایگزیکیٹو وائس پریذیڈنٹ مدثر خان کاکہنا تھا کہ معاہدے سے چھوٹے سرما یہ کاری کے ذریعے معیاری فوٹواسٹیٹ بزنس شروع کیا جاسکے گا۔
یوتھ بزنس لون کے دائرہ مزید پھیلے گا، انہوں نے بتایا کہ اب تک یوتھ بزنس لون کے تحت 3.8 ارب روپے قرضہ فراہم کیا جاچکا ہے ، اور ہمارا ٹارگٹ 16 ارب روپے کا ہے۔
ان کاکہنا تھا کہ اگلی قرعہ اندازی کیلئے درخواستوں کی سلیکشن کا عمل مکمل کرلیا ہے تاخیر وزیراعظم کی مصروفیات اور امن وامان کی صورتحال کے باعث ہورہی ہے۔
قرعہ اندازی میں اس موقع پر Gestetnerکے سی ای او کاکہنا تھا کہ ہمارے پاس فوٹو اسٹیٹ مشین کے کاروبار کیلئےایک لاکھ سے لیکر 20 لاکھ تک کے پیکج موجود ہیں اور کاروباری حضرات کو 20 سے 35 فیصد تک رعائت بھی دی جائے گی۔
