اسلام آباد: یکم جنوری سے پیٹرولیم مصنوعات کی قیمتوں میں چھ روپے پچاس پیسے تک کی کمی متوقع ہے۔
اوگرا زرائع کے مطابق یکم جنوری سے پیٹرولیم مصنوعات کی قیمتوں میں گزشتہ ماہ کی طرح خاطر خواہ کمی متوقع ہے، سب سے زیادہ کمی ہائی اوکیٹن کی قیمت میں چھ روپے پچاس پیسے فی لیٹر تک ہوسکتی ہے۔
پٹرول کے نرخ ساڑھے پانچ روپے جبکہ ڈیزل کی قیمت میں پانچ روپے فی لیٹر تک کمی متوقع ہے، لائٹ اسپیڈ ڈیزل کی قیمت میں بھی چار روپے پچاس پیسے کمی کا امکان ہے جبکہ غریبوں کے ایندھن مٹی کے تیل کی قیمت میں چار روپے فی لیٹر تک کی کمی ہوسکتی ہے۔
- Advertisement -
عالمی منڈی میں خام تیل کی قیمت میں کمی کے باعث خام تیل درآمد کرنے والے ممالک میں پیٹرولیم مصنوعات کی قیمتوں میں مسلسل کمی ریکارڈ کی جارہی ہے۔
