انجینئرنگ مصنوعات اور خدمات کی تین روزہ نمائش این ٹیک کا کراچی ایکسپو سینٹر میں آغاز ہو گیا ۔ ایم کیو ایم کے رہنما ڈاکٹر فاروق ستار نے نمائش کا افتتاح کیا۔
افتتاحی تقریب سے خطاب کرتے ہوئے ڈاکٹرفاروق ستارکا کہنا تھا کہ پاکستان کی معیشت اس لیے مستحکم نہیں ہوسکی کیونکہ ملک کے انجینئرنگ شعبے کو کبھی حقیقی اہمیت نہیں دی گئی۔ یہ نمائش ملک کی حقیقی ترقی کیلئے پہلا قدم ہے ۔
انہوں نے کہا کہ اینٹیک نمائش انجینئرنگ شعبے کے پیشہ ور افراد اورطلبہ کو جدید ٹیکنالوجی سے آگاہ ہونے کا موقع فراہم کرے گی۔ انسٹی ٹیوشن آف انجینئرزکے چئیرمین انجینئر فرحت عادل نے کہا کہ پاکستان ترقی کی راہ پر گامزن ہے اس لیے اسے قابل بھروسہ معاشی اور انجیئرنگ سلوشن درکار ہیں۔
انہوں نے کہا کہ این ٹیک نمائش میں میں تعمیرات، عمارتی سامان، آلات، پیشہ ورانہ خدمات، ٹیکنالوجی، ہارڈویئر مصنوعات پیش کی جائیں گی۔
