اسلام آباد: قومی اقتصادی کونسل کی ایگزیکٹو کمیٹی ایکنک نے کراچی کیلئے گرین ریپڈ بس سسٹم سمیت ایک سو ستاون ارب روپے کے منصوبوں کی منظوری دے دی۔
وزارت خزانہ کے اعلامیہ کے مطابق ان پراجیکٹ میں ریلوے انجن کی مرمت، لائیو اسٹاک اور پانی سے بجلی پیدا کرنے والے پچھتر میگاواٹ کے پاور پلانٹس شامل ہیں ۔
اسلام آباد میں وزیر خزانہ اسحاق ڈار کی زیر صدارت اجلاس میں ریلوے کے سو ڈیزل انجنوں کی مرمت کی منظوری دی گئی ۔پنجاب میں لائیواسٹاک کی بہتری کے لیے تین ارب پچاسی کروڑ روپے مختص کیے گئےجس سے دیہی علاقوں سے منڈی تک سڑکیں بھی تعمیر کی جائیں گی ۔
اس کے علاوہ وادی نیلم میں پینتس میگا واٹ اور چالیس میگا واٹ پانی سے بجلی بنانے والے دو پاور پلانٹ بھی لگائے جائیں گے۔
