واشنگٹن : امریکی محکمہ خارجہ کی دعوت پر آرمی پبلک سکول پشاور کے طلباء 26 جولائی کو واشنگٹن پہنچ رہے ہیں، اپنے دورہ واشنگٹن میں دہشت گردی کا شکار ہونے والے طلباء محکمہ خارجہ اور امریکی تھنک ٹینکس کی جانب سے منعقد کئے جانے والے مختلف تقریبات میں شرکت کریں گے۔
یہ پہلا موقع ہے کہ پشاور میں آرمی سکول پر دہشت گرد حملے کے بعد وہاں کے طلباء کسی غیر ملکی دارالحکومت کا دورہ کر رہے ہیں، پاکستانی سفارت خانے کے ترجمان کے مطابق یہ طلباء مختلف تقریبات میں اپنے اسکول پر ہونے والے ہولناک حملے کی روداد بیان کریں گے جبکہ حملے کے بعد کی صورتحال پر بھی تفصیلی گفتگو ہوگی۔
امریکی محکمہ خارجہ کے اہلکار کے مطابق طلباء کو واشنگٹن کی دعوت دینا ان کا حوصلہ بڑھانا ہے اور دنیا کو باور کرانا ہے کہ دہشت گردی کیخلاف جنگ میں پاکستان نے بے تحاشا قربانیاں دیں۔