اسلام آباد : وزیراعظم محمد نواز شریف نے کہا ہے کہ عوام کے ساتھ انصاف میرٹ کے ذریعے ہی ممکن ہے، ہم نے اداروں میں میرٹ پر بھرتیاں کی ہیں۔

یہ بات انہوں نے قومی اسمبلی میں اظہار خیال کرتے ہوئے کہی ، وزیراعظم نواز شریف نے کہا کہ یہ نہیں ہو سکتا کہ سفارشی اور پیسے دینے والے کو تو بھرتی کر دیا جائے لیکن میرٹ پر آنے والا غریب اس سے محروم رہے۔

اعلیٰ بیورو کریسی میں ترقیوں کو صوبوں سے جوڑنا درست نہیں ہے،ان کا کہنا تھا کہ ہم نے کبھی اس معاملے کو صوبائیت کی نظر سے نہیں دیکھا۔

ہم نے اداروں میں میرٹ پر بھرتیاں کی ہیں، انہوں نے کہا کہ بیورو کریسی کی ترقی کے حوالے سے سفارشات موصول ہونے پر قائد حزب اختلاف کی رائے لی جائے گی۔

Comments