اسلحہ اسکینڈل کیس میں سابق آئی جی خیبر پختو نخوا ملک نوید کو مزید پانچ روزہ ریمانڈ پر نیب کے حوالے کر دیا گیا، ملک نوید پر ایک ارب بیاسی کروڑ روپے کی خورد برد کرنے کا الزام ہے۔
سابق آئی جی خیبر پختون خوا ملک نوید کو آج پشاور کی احتساب عدالت میں پیش کیا گیا، اسلحہ اسکینڈل کیس کی سماعت کے دوران نیب نے مزید چودہ دن کے ریمانڈ کی درخواست عدالت میں پیش کی۔
نیب وکیل نے عدالت میں بیان دیا کہ اسلحہ اسکنیڈل میں ملوث سابق آئی جی خیبر پختو نخواملک نوید نے نیب کو سمجھوتے کی درخواست دے دی ہے، عدالت نے فریقین کے دلائل سننے کے بعد سابق آئی جی ملک نوید کو پانچ روزہ ریمانڈ پر نیب کے حوالے کر دیا۔
پولیس کے لئے اسلحہ کی خریداری میں ملک نوید اور دیگر ملزمان پر ایک ارب بیاسی کروڑروپے کی کرپشن کا الزام ہے۔
Comments
- Advertisement -
