لاہور: کابینہ کی کمیٹی برائےنجکاری کے اجلاس میں آج الائیڈ بینک کے شیئرز کی فروخت کیلئے فلور پرائس طے کی جائے گی۔ نجکاری کمیشن ذرائع کے مطابق حکومتی تحویل میں موجودہ الائیڈ بینک کے دس فیصد کے شیئرز کی فروخت کیلئے آج فلور پرائس کی منظوری دی جائے گی۔
تجزیہ کاروں کے مطابق حکومت کو پچاسی روپے فی شیئر کے حساب سے نو ارب ستاسی کروڑ روپے ملنے کی توقع ہے ۔حکومت نے الیگزر سیکیورٹیز، ایم سی بی اور اے کے ڈی سیکیورٹیز کو لیڈ مینجرمقرر کیا ہے ۔
الائیڈ بینک کے حکومتی حصص دس اور گیارہ دسمبر کو فروخت کئے جائیں گے۔
