کراچی: ایم کیو ایم کے قائد الطاف حسین نے وزیرِاعظم نواز شریف سے مستعفی ہونے کا مطالبہ کردیا جبکہ ساتھ ہی دوستی کا ہاتھ بھی بڑھادیا، انھوں نے کہا کہ اگر ہم سب مل جائیں تو کوئی جمہوریت کا خاتمہ نہیں کرسکتا۔
وزیراعظم کے بیان پر الطاف حسین کا نے شدید ردعمل کا اظہار کیا، نائن زیرو پر کارکنوں سے خطاب میں نوازشریف سے استعفے کا مطالبہ کر ڈالا اور کہا کہ نواز شریف کو بھائی کہنا میری غلطی تھی۔
الطاف حسین نے خطاب میں کہا کہ نوازشریف، آصف زرداری اور ہم مل جائیں تو دیکھنے ہیں پھر کون جمہوریت کا بستر گول کرتا ہے،انکا کہنا تھا کہ نواز شریف اور آصف زرداری بتائیں وہ جمہوری پاکستان چاہتے ہیں یا فوجی پاکستان۔
اس سے قبل ایم کیو ایم کے قائد الطاف حسین نے کہا ہے کہ ان کی پریس کانفرنس کا بائیکاٹ کیا گیا، کبھی کے دن بڑے ہوتے ہیں اور کبھی کی راتیں، نواز شریف اپنے بیان پر قوم سے معافی مانگیں۔
