انناس ایک ایسا پھل ہے جو ذائقے میں اچھا ہونے کے ساتھ ساتھ اپنے اندر کئی بیماریوں سے نمٹنے کی قدرتی طاقت بھی رکھتا ہے، انناس کا استعمال مدافعتی نظام کو بہتر کرنے میں مدد گار ثابت ہوتا ہے۔
آرتھرائیٹس کے مریضوں کے لیے انناس قدرت کا عطیہ ہے ، انناس نہ صرف یہ کہ جوڑوں میں سوجن کو ختم کرتا ہے بلکہ زخموں کو بہت جلد مندمل بھی کر دیتا ہے۔ انناس کے رس میں ”بروملین” نامی جز پایا گیا، جسے جوڑوں کے درد میں بہت مفید قرار دیا گیا ہے، اس کے علاوہ یہ ہر قسم کی سرجری کے زخموں کو بھی بھر دیتا ہے۔
طبی ماہرین کا کہنا ہے کہ انناس کھانے سے اندرونی چوٹوں اور زخموں کا خاتمہ ہوتا ہے، انناس میں موجود اینزائم برومیلین ، اینٹی آکسیڈنٹ اوروٹامن سی کی موجودگی جگر اور معدے کے زخموں کو جلد بھرتی ہے۔
گلے کی سوزش اور آرتھرائٹس میں بھی یہ خوش ذائقہ پھل مفید ثابت ہوتا ہے، انناس میں وٹامن سی کی موجودگی قوتِ مدافعت میں اضافے کا سبب بنتی ہے۔
انناس اپنے اندر بے انتہا قوت و افادیت رکھتا ہے، اس کے کھانے سے انسان نظام ہضم تیز ہوتا ہے، ایک حالیہ تحقیق میں یہ بات سامنے آئی ہے کہ رات کے کھانے کے بعد ایک انناس کھانے سے پیٹ نہیں نکلتا اور انسان اسمارٹ رہتا ہے۔
