اوکاڑہ :گزشتہ دنوں رائے ونڈ میں ہونےوالے آپریشن کےدوران مارے جانے والےدہشت گرد کی تدفین اوکاڑہ میں اہل محلہ نے نہ ہونے دی ,رائیونڈ میں پولیس آپریشن کے دوران ہلاک ہونے والے دہشتگرد کی تدفین معمہ بن گئی۔ اہل علاقہ نے تدفین نہ ہونے دی ۔
ستاون ایس پی پاکپٹن گاؤں کا رہائشی دہشت گرد ذوالفقار ولد نذیر کی لاش پوسٹ مارٹم کےبعد لاہور سے اس کے ورثا پاک پتن تدفین کے لئے لے آئے ۔جہاں دیہادتیوں نے قبرستان پہنچ کر دہشت گرد کی تدفین نہ ہونےدی ،اس کےورثا ہلاک دہشتگرد ذوالفقار کی میت اس کے سسرالی گائوں لے آئے لیکن وہاں بھی گائوں والوں نے اس کی تدفین نہ ہونےدی ۔
دیہاتیوں کا کہناتھا کہ وہ دہشت گرد کو کسی بھی صورت اوکاڑہ کی سرزمین پر دفن نہیں ہونے دیں گے ۔ ورثا کو گائوں والوں کی شدید مذمت کا سامنا کرنا پڑا ۔ جس کےبعد ورثا لاش کو اٹھا کر نامعلوم مقام کی طرف لے گئے۔
