اسلام آباد: آئل اینڈ گیس ریگیولیٹری اتھارٹی نے تیس نئے سی این جی اسٹیشن لائسنسن کے اجراء کا فیصلہ کیا ہے۔
موسم گرما میں بجلی بحران اور سرما میں گیس کی قلت شدت اختیار کرنے کے باعث حکومت سب سے پہلے سی این جی سیکٹر کو گیس کی فراہمی بند کر دیتی ہے، اس صورت حال کے باوجود اوگرا نے ایک دو نہیں تیس نئے سی این جی اسٹیشنز کو لائسنس کے اجراء کا فیصلہ کیا ہے ۔
سی این جی اسیٹیشنز کے نئے لائسنس کے اجراء پر سال دو ہزار آٹھ سے پابندی عائد کی گئی تھی ۔
- Advertisement -
تیس درخواست گزاروں کو جنہوں نے تمام قانونی شرائط پوری کیں تھیں، ان کو لائسنس جاری کرنے کا فیصلہ کیا ہے۔
وزارت پیٹرولیم زرائع کے مطابق گزشتہ سال سی این جی سیکٹر کو گیس کی فراہمی تین ماہ کیلئے بند رہی تھی، موسمی تبدیلیوں کے باعث اس سال سی این جی سیکٹر کو گیس کی فراہمی پانچ ماہ تک بند ہوسکتی ہے ۔
