اسلام آباد :وزارت پٹرولیم ایل پی جی کی مختلف قیمتوں کی پالیسی ختم کردے گی، تفصیلات کے مطابق وزارت پٹرولیم نے ملک بھر میں ایل پی جی کی مختلف قیمتوں کی پالیسی ختم کرنے کا فیصلہ کرلیا ہے،اوگرا کی جانب سے ارسال کردہ سمری میں ملک بھر میں ایل پی جی کی یکساں قیمت مقرر کرنے کی سفارش کی گئی ہے۔
نئی پالیسی کے تحت ملک بھر میں گھریلو سلنڈر ایک ہزاربانوے روپے میں ملے گا۔مقامی ایل پی جی پرسرچارج لگاکر درآمدی ایل پی جی پر سبسڈی دی جائے گی ۔ نئی تجویز کردہ پالیسی منظوری ہونے کے بعد صارفین کیلئے قیمت کا نوٹیفکیشن اوگراجاری کرے گا۔
سال دوہزار میں ایل پی جی کی یکساں قیمت ختم کرنے کی پالیسی نافذ کی گئی تھی۔پالیسی کی ناکامی کے باعث مارکیٹنگ کمپنیوں کا گٹھ جوڑ بننے سے ایل پی جی غریب عوام کی پہنچ سے دور ہوتی جارہی ہے ۔
