کراچی: فرض کی ادائیگی میں غلطی سے افغانستان سرحد پار کرجانے والے اے آر وائی نیوز کے رپورٹر فیض اللہ خان کو افغانستان میں چار سال قید کی سزا سنادی گئی ۔
افغان حکومت کے اقدام پر ملک پی ایف یو جے اورکے یو جے سمیت ملک بھر کی صحافی تنظمیوں نےاحتجاج کی کال دے دی ہے۔
صدر پی ایف یو جے افضل بٹ کا کہنا ہے کہ فیض اللہ کی با حفاظت اور جلد از جلد رہائی کے لئے بدھ کے روز ملک بھر میں احتجاجی مظاہرے کیے جائیں گے اور ریلیوں نکالی جائیں گی۔
جنرل سیکرٹیری کے ایف یو جے رضوان بھٹی کا کہنا ہے کہ فیض اللہ کی رہائی کے لئے کراچی پریس پر احتجاجی مظاہرہ کیا جائے گا، بلوچستان یونین آف جرنلسٹ کی جانب سے بھی کوئٹہ پریس کلب سے افغان قونصلیٹ تک ریلی نکالی جائے گی ۔
جنرل سیکرٹری پی ایف یو جے خورشید عباسی نے کہا کہ فیض اللہ کی رہائی کے لیے ملک بھر کے صحافی اے آر وائی نیوز اور انکی ٹیم کے ساتھ ہیں۔
