بغداد:عراق میں رمضان کے دنوں میں بھی پرتشدد کارروائیوں کا سلسلہ جاری ہے، بغداد صدر سٹی میں دو کار بم دھماکوں میں بارہ افراد لقمہ اجل بن گئے،اور بیس زخمی ہوگئے۔
عراقی دارلحکومت کے مشرقی علاقے میں دو کاربم دھماکےکمرشل اسٹریٹ میں کئے گئے، واقعے کی اطلاع ملتے ہی امدادی کارروائیاں شروع کر گئیں سیکورٹی اہلکاروں نے جائے حادثہ کو گھیرے میں لے لیا۔
واقعے میں زخمیوں کو قریبی اسپتال منتقل کردیا گیا، فوری طور پر کسی گروپ نےواقعے کی ذمہ داری قبول نہیں کی ہے
