بیجینگ: یکم اکتوبر عوامی جمہوریہ چین کی عوام کے لئے خوشیوں کا پیغام لاتا ہے. چین اور دنیا کے دیگر ملکوں میں رہنے والے چینی باشندے اپنا یہ یوم آزادی پورے قومی جوش و جذبے اور وقار سے مناتے ہیں۔
آج چین اپنا پینسٹھواں قومی دن منا رہا ہے، قومی دن کی مناسبت سے چین کے دارالحکومت بیجنگ کے تیانمن اسکوائرکو ایک دیوہیکل گلدستے سے سجادیا گیا ہے دارالحکومت بیجنگ کی تمام مرکزی شاہراہوں کو پھولوں کے قالین سے سجا دیا گیا ہے۔
دارالحکومت میں ایک بڑی تقریب منعقد کی گئی ہے، اس پُروقار تقریب میں ہزاروں چینی شہری ملک کی سیاسی قیادت اور فوجی قیادت نے شرکت کی، چین کے وزیرِاعظم لی کی چیانگ چینی صدرشی جن پینگ اور دیگر رہنماؤں نے چین کے قومی ہیروز کی یادگار پر پھول چڑھاکر انہیں خراج عقیدت پیش کیا۔۔
قومی دن کی تقریبات کا اختتام پر شام کو شاندار آتش بازی کے ساتھ کیا جائے گا ،چینی وزیرِاعظم نے قوم کے نام اپنے پیغام میں کہا ہے کہ ملک کو معاشی طور پر مستحکم کرنے کے لئے ہر ممکن کوشش کی جائے گی۔
