اسلام آباد: پاکستان تحریکِ انصاف کے سربراہ عمران خان نے حکومت مخالف تحریک مؤخرکرنے کا فیصلہ کرلیاہے۔
تفصیلات کے مطابق تحریک انصاف آج ہونے والے دھرناکنونشن میں کوئی بڑا حکومت مخالف اعلان نہیں کرے گی۔
ذرائع کا کہنا ہے کہ وزیرِخزانہ اسحاق ڈار کی جانب سے پی ٹی آئی کے جنرل سیکرٹری جہانگیرترین کو ملاقات کی پیشکش
اس نئی صورتحال کی وجہ ہے۔
بااختیارجوڈیشل کمیشن نہ بناتوسڑکوں پرآئیں گے،عمران خان
ذرائع کے مطابق آج ہونے والے دھرنا کنونشن میں عمران خان دیگر شہروں میں بھی کنونشن منعقد کرنے کااعلان کریں گے اور کسی بھی بڑے حکومت مخالف فیصلے کا فی الحال اعلان نہیں کیا جائے گا۔اس تازہ پیشرفت کی وجہ حکومت کے مثبت رویے کو قرار دیا جارہا ہے۔
پاکستان تحریکِ انصاف نے الیکشن میں دھاندلی کے خلاف 126 دن اسلام آباد میں دھرنا دیا، سانحہ پشاور میں ہونے والی 149 شہادتوں کے بعد ملک کو درپیش نئی صورتحال میں پی ٹی آئی کے سربراہ عمران خان نے دھرنا ختم کرکے حکومت کی مخالفت میں نئی تحریک شروع کرنے کا عندیہ دیا تھا۔
