تھائی لینڈ: پارلیمنٹ نے فوج کے سربراہ پرایت چان اوچا کو وزیراعظم منتخب کرلیا ہے، نو منتخب وزیراعظم نے دوہزار پندرہ میں انتخابات کرانے کا اعلان کیا ہے۔
تھائی لینڈ کی فوج کے سربراہ جنرل پرایُت چان اوچا نے اقتدار سنبھالنے کے بعد خطاب کرتے ہوئے کہا کہ ملک میں نئے انتخابات منعقد کروانے میں ایک سال کا عرصہ لگ سکتا ہے۔ انتخابات سے پہلے امن کی بحالی اور اصلاحات کرنا ضروری ہے۔
انہوں نے خبردار کیا کہ فوج کے خلاف کسی بھی قسم کی مزاحمت کرنے والوں سے سختی سے نمٹا جائے گا، تھائی لینڈ میں بائیس مئی کو مارشل لاء نافذ کرکے فوج نے حکومت سنبھال لی تھی ۔
ملک کی سابق وزیراعظم ینگ لک شناوترا سمیت کئی سیاسی رہنماؤں کوحراست میں لے لیا گیا تھا، جنرل پرایت نے ینگ لک شناوترا کی جگہ اقتدار سنبھالا ہے، جو تین سال قبل بھاری اکثریت سے وزیراعظم منتخب ہوئی تھیں۔
Comments
- Advertisement -
