کراچی: ٹارگٹ کلنگ کا نشانہ بننے والے پروفیسر شکیل اوج اور پروفیسر وحیدالرحمان کے قتل میں ایک ہی طرح کا اسلحہ استعمال ہوا۔
اس بات کا انکشاف وحید الرحمان کے قتل میں ہونے والے اسلحے کی فارنزک رپورٹ میں سامنے آیا جس کے بعد تفتیشی اداروں نے پروفیسر شکیل اوج کے قتل کے الزام میں گرفتار ٹارگٹ کلر منصور سے دوبارہ پوچھ گچھ شروع کردی ہے۔
ذرائع کے مطابق گرفتار ٹارگٹ کلر منصور نے دوران تفتیش پولیس حکام کو بتایا کہ پروفیسرز شکیل اوج اور دیگرافراد کی ٹارگٹ کلنگ میں ایک ہی پانچ رکنی گروہ شامل تھا۔
\پروفیسر شکیل اوج کے قتل میں ملوث فہیم اور احتشام کو جانتا ہوں باقی دو کے بارے میں معلومات نہیں ملزم منصور نے بتایا کہ کہ وہ شکیل اوج کو نہیں جانتا تھا قتل کے حوالے سے سارے احکامات فہیم کو بیرونی ملک سے ملتے تھے۔
پولیس حکام کا کہنا ہے کہ ملزم منصور کے دیگر چار ساتھیوں کی گرفتار ی کیلئے چھاپے مارے جارہے ہیں۔
