وانا: جنوبی وزیر ستان کے علاقے وانا میں امریکی جاسوس طیارے نے ایک مکان پر دو میزائل داغے جس کے نتیجے میں چار افراد ہلاک ہو گئے۔
اے آر وائی نیوز کے نمائندے کے مطابق امریکی جاسوس طیارے گزشتہ 24گھنٹے سے علا قے کی نگرانی کر رہے تھے اور اسی دوران امریکی جاسوس طیاروں کی جانب سے وانا سے بیس کلو میٹر دور ایک علا قے اعظم ورسک میں ایک مکان پر دومزائل داغے گئے جس میں چار افراد ہلاک ہو گئے اور متعدد زخمی ہو گئے۔
نمائندے کے مطابق ہلاک ہو نے والوں کی شناخت تاحال نہیں ہو سکی ہے کہ وہ عام شہری تھے یا کہ دہشت گرد تھے۔
- Advertisement -
حملے کے بعد بھی امریکی جاسوس طیاروں کی جانب سے نگرانی کی جارہی ہے جس کی وجہ سے وہاں لوگوں میں شدید خوف وہراس پایا جاتا ہے۔
